Friday, November 17, 2017

સાંજ પડે ને દુર ક્ષિતિજે,
કેસરિયું આભ વિસરતું..

 કોઈની ખુશી ને કોઈની વ્યથાના,
રંગોનું પ્રતિબિંબ નીસરતું..

અગાશીની પાળીએ બેઠેલા,
પારેવાંની મૂંગી વાતો..

બીજી કોઈ અગાશી સાંભળતી,
 કોઈક યુગલનો મુંજાપો...

જીવન છે એવું એક જ આકાશે,
બદલાતા રંગો અનેક,

તડકા છાંયા જીન્દગી ની ભીતર,
પીંછી પરમ્ત્વની એક...

ચાલોને કૈક સર્જન એવું કરીએ,
જેથી જીવન આદર્શ થાય,

સવાલ આત્મદર્શન થી ઉદભવે,
જવાબ સ્વકર્મ થી થાય..!
-સ્વરચિત